• 狗把刀

【Holimood 假期】新一年! 年廿八「剪完發」四間本土最型BARBER SHOP💈

Updated: Aug 25


😚😚聽日係年廿八,唔少傳統家庭都打算洗邋遢,取其諧音「易發」,除咗清潔家居,唔少人仲會剪頭髮,取其音「剪完發」,以全身髮型迎接新年來臨。髮型可以話係一個人外表上其中一個最重要因素,甚至可以為一個人嘅形象造到「起死回生」作用🥺,小編今次要推介四間本土最型BARBER SHOP。

😍😍第一間係MR.BOOGIE,係一間以新舊交替概念,透過新方式演繹懷舊味道的理髮店,穿梭深水埗New Brooklyn區域。坐落於基隆街及黃竹街交界,樓高兩層,走進紅色大門,唔止係為男士們提供理髮服務,仲為古着風格愛好者搜羅獨一無二的古著服飾。店內裝潢親和,下層主要以簡約乾淨的設計風格,上層的設計則充滿玩味感的塗鴉,讓你瞬間置身於街頭當中。氣氛輕鬆、親切舒適的氛圍,是MR.BOOGIE最希望能夠帶給客人的首要體驗😎😎


🤓🤓第二間係Hair House by Adam Chan, 喺2013年成立,風格以sharp醒為主,唔少客人都會選擇鏟一條界喺側面,令視覺上更立體。而疫情之下,佢哋會定時消毒,仲會放消毒片上IG,令客人放心。


🤔🤔第三間係樂遊理髮公司,以細緻度高見稱,每一個位置都做到一絲不苟,可以令客人髮型上「零死角」,一個個升lev做男神,自信大增,以最佳狀態迎新新一年嘅來臨🤩


😎第四間係neighbor barbershop,風格上走型格路線。很多男士都係玩世不恭嘅大細佬,而neighbor 可以令佢哋外表上更成熟穩重,令佢地陣「男人味」散發出黎,讓所有女士嘅目光聚焦埋黎😳


😚😚臨近歲晚,小編預早同大家拜個早年,祝各位心想事成、身體健康😎😎


Copyright: iPYGG

(編者註:如果讀者對美食,旅行,娛樂或任何有趣的事情有任何建議,請隨時告訴我們〜您可以使用Facebook inbox或發送電子郵件至info@ipygg.com)

175 views0 comments