• 狗把刀

超浪漫「港版加拿大湖景」❤️❤️為2020留下一個美好回憶


距離除夕唔夠三日,儘管政府將防疫措施加辣,仍無阻情侶們既雅興,開始蠢蠢欲動,到處出動打卡開心share甜蜜相❤️❤️,為2020呢個充滿動盪嘅一年,留下一個美好既回憶。除左傳統嘅聖誕燈飾同聖誕樹,小編仲有另一個選擇介紹俾大家青衣公園嘅紅葉。

踏入12月,到左紅葉既最佳賞美時間,有唔少人認為睇紅葉嘅地方一定要喺郊外,但係其實喺市區都可以欣賞到紅葉嘅風采,距離青衣港鐵站只有五分鐘路程嘅青衣公園。青衣公園嘅佔地面積比一般地方大,種左唔少落羽松同杉樹🌲🌲,每年秋天起到明年春天,就會搖身一變,轉為紅葉黃葉,由於杉樹大部分座落喺湖邊,所以紅葉黃葉會倒影喺湖上,形成一幅令人眼前一亮嘅構圖,享有「港版加拿大湖景」嘅盛名,唔少市民甚至覺得「此境只應天上有」。

情侶們不坊考慮下喺夜晚出發睇聖誕燈飾前,喺日間先欣賞此「仙境」,一邊賞楓打卡,一邊野餐,不亦樂乎💕,又或者可以去對面嘅觀景台欣賞落雨松一字排開嘅壯觀景色。


Copyright: iPYGG

(編者註:如果讀者對美食,旅行,娛樂或任何有趣的事情有任何建議,請隨時告訴我們〜您可以使用Facebook inbox或發送電子郵件至info@ipygg.com)




85 views0 comments