• serenac81

【理財小貼士】改變10個使錢習慣 儲錢其實唔難


香港好多年輕一代都係「月光族」,個個月未到月尾已經冇咗大半份人工🤯🤯,每個月不斷地循環,就話係香港儲錢好難!其實只要培養到良好使錢習慣,就算每個月搵幾千蚊都可以儲到錢。有時候唔經唔覺使左啲無謂錢你都唔知,以下小編就列出10個比較多人犯嘅使錢壞習慣,如果你中左其中兩個,就要從新檢視下自己用錢習慣,係咪因為哩啲原因令你儲唔到錢呢😰?

 

習慣一:見到有折就買

因為疫情好多人都多左留係屋企,變相多左網上購物,而好多商家都會用折扣去吸引你哋買多啲,可能係「買第二件半價」或者「滿$500減$50」哩啲優惠,令你唔覺意買多左幾件!


習慣二:唔記得每月開支

正所謂「小數怕長計」,有時你每日買杯野飲幾十蚊,買個野食又幾十蚊,加加埋埋每個月支出又幾千蚊㗎啦,所以一定要每個月計住自己用咗幾多錢,限制住自己每月使費!


習慣三:信用卡不停分期付款

好多人買一件貴價物品,都中意揀信用卡分期付款攤長嚟還,但其實加埋啲銀行利息,個樣物品價錢已經比原本多左,所以購物應該量力而為,盡量唔好買啲超出自己能力範圍以外嘅嘢。


習慣四:想要就買

購物之前應該諗一諗,你係「需要」個樣野定只係「想要」?如果唔係真係需要嘅物品,可能未必會成日用到,好容易變成衝動消費!


習慣五:明星效應

如果你係中意追星嘅話就要注意⚠️好多人見到明星使用嘅產品又會跟風去購買,但其實佢哋好多時只係廣告或者贊助!現實中佢哋可能未必會用,但你又傻豬豬跟住買🙅🏻‍♀️


習慣六:生活習慣太懶

正所謂「積少成多」!如果你每日肯食小一餐外賣,搭公共交通工具行多幾步路,其實無形中都會慳到一筆錢,一年慳埋夠你買一部電話!


習慣七:大採購前冇寫購物清單

一個人住嘅留意👀你哋每次去supermarket大採購之前,會唔會寫低屋企有啲咩要買先?如果唔寫好容易買左好多不必要嘅野返屋企,例如廁紙哩啲,好容易唔覺意重複買多左😰


習慣八:買嘢前唔格價

格價可能你會覺得係師奶先做,但其實有時幾蚊幾蚊,慢慢就會無端端比多左一筆錢,同一樣野其實行多兩間舖頭,或者喺網上格下價先,又可以慳錢!或者留意節日有折扣再買👀


習慣九:心情唔好就報復性消費

「購物狂」其實係一種心理病,將情緒發洩係買嘢到,可能係一種情緒轉換,但都好容易因為咁使多左錢,買咗好多唔需要嘅嘢,甚至可能會碌爆卡,節制自己好重要!


習慣十:依賴信用卡生活

而家科技咁先進,好多人都會選擇用電子支付或者用信用卡,呢種付款方式雖然好方便,但係咁樣都會令你無形中,唔知自己使咗幾多錢,可能要去到收月結單先會知自己洗多咗😱😱

 

如果大家都想好好理財,每月記錄自己開支使費

可以下載我哋iPYGG,計劃一個適合你嘅理財方案💰💵

Facebook: iPYGG

Instagram: ipygg_official

Linkedin: iPYGG

Youtube: iPYGG



223 views0 comments