• serenac81

【理財小教室】 五個生活習慣 教你白手興家


講起白手興家好多香港人都會諗起李嘉誠🤔🤔,咁唔知大家有冇諗過其實白手興家嘅人同普通人有咩唔同嘅生活習慣呢?今次我地就整合左5個呢類成功人士嘅生活習慣,一齊學習下佢地嘅模式,如果你做到晒所有,分分鐘你就係下一個成功人士🙀🙀!!

 

1.擁有兩種或以上收入來源

根據統計,其實有65%嘅成功人士都唔只得一種收入,佢地大部分係賺第一桶金之前都至少有三種收入來源,最常見嘅外來收入例如:房地產投資、股票、虛擬貨幣、兼職等等,而香港

白手興家代表李嘉誠,就係年輕時先創業,然後再一邊投資房地產而變有錢!哩個亦係最有效同直接嘅投資方法🤩但前提係你要先有一筆儲蓄!



2. 延遲享樂

延遲享樂係追求財務自由嘅過程中一個至關重要生活習慣,並唔係話你追求財務自由嘅過程中就唔可以享受人生,而所謂延遲享樂,就係先苦後甜😣,要識得點樣為左長遠利益控制眼前嘅小慾望,犧牲一部份現在嘅樂趣,著重投資係未來生活,簡單即係要先學識儲蓄,再去享受生活。知名作家艾爾文曾經說過:「不要讓自己的生活品質提升速度,大於你的財務累積速度」


3.與成功人士打交道

哩一點好重要,正所謂物以類聚,要成功一定要識得向上流,認識多啲社會權貴人士,同佢地建立一個良好嘅關係,因為佢地嘅思想同格局往往同普通人唔一樣,係佢地身上一定會有與眾不同嘅氣質,相處多一啲可能你都會被感染!!如果你而家身邊圈子認識唔到,其實可以參加一啲商業或者投資課程,嘗試接觸一下佢地😏😏


4.保持充足睡眠

一個成功人士唔一定要係靚仔靚女,但個形象一定要望落醒目同醒神!好多創業者同成功人士都有個共通點,就係絕不削減睡眠時間,即使再忙都要求自己瞓夠八個鐘😴😴😴,咁先能夠保持頭腦清醒,以及儲備足夠嘅體力同精神,維持健康身體繼續打拚!!如果前一晚唔夠瞓,可以係食完Lunch嘅時候,午睡15-20分鐘叉一叉電~~


5.目標同目光要放遠

"成功是用努力,而非用希望造成" SET目標比自己個陣,可以將目標慢慢調高,例如今個月儲$3000,下個月就儲$3500…如此類推,咁樣可以逼自己提高執行力!其實有好多看似無法達成嘅目標,都只係你對自己唔夠狠心,唔好再諗住得過且過啦!一齊努力向上,做個成功人士啦💪🏻💪🏻

56 views0 comments